5) B'a trah'é, kri'é awó!
Un komedia kaminda bo ta mira hopi kosnan ku ta pasa den bida diario.
Den e komedia aki lo bo mira kon un kabayero tin diferente muhé.
* Kaminda e tin un yu muhé di dos aña pero e no ta duna sèn pa kria su yu.
* E tin un mucha muhé na barika ya pa tres luna kaba, pero no ke tende nada ora di bao dòkter.
* E gai aki ta un dje tiponan sin pariba sin pabou, i pa korona e asuntu e ta bibando den kas di su frei.
Logikamente e gai aki no tin ni moda di kai muri. Asina ta ku momentu di yuda paga gastu
nan ku wòrdu uza den kas, en tin moda pa yuda su frei ku nada.
I pa ora e bèrdat bai sali na kla, shelu y tera a hasi un hurament ku otro, ku nada no lo keda
skondí (palabra di nos grandinan).
Den e komedia aki bo lo por mira hopi kosnan ku kisas lo toka abo su kurason.
E komedia lo habri hopi wowo di hende. E ta un komedia ku tin su mensahe hopi serio
den dje pero tòg e komedia mes ta tresé di un forma chistoso dilanti.

4) GOBIÈRNU OUSILIO!!!
Un idea ku ya e tabata kana ku n’e rònt kaba sin sa kon pa kuminsá ku n’e pero despues
ku aya na Kòrsou a bin e obra DESTINO DI GHETTO e la wanta un ratu ku su idea.
Mirando kon dia nan tabata pasando i ketu bai e idea tabata fèrfel’é, pa su di bon e
agrupashon musikal Gio Fuertisimo a trese un cd riba merkado: "Gio den come-back" ku
un dje kantika nan riba dje "Gobiernu ousilio". N’e momentu ei no a keda Suradno nada
mas di kuminsá skibi I trese un otro obra riba merkado hibando e nòmber "GOBIÈRNU OUSILIO".
Den e obra ki bo ta mira klaramente e bida diario ku e gobièrnu di Kòrsou ta
laga nos hende nan biba. Tabata na 5 di mei na aña 2006 ku e obra aki a estrená den e
stat di Apeldoorn lagando un reakshon hopi grandi atras. Almere, Eindhoven, Rotterdam i Tilburg tambe a haña nan bùrt pa sa un biaha mas ta ki Suradno su talento nan tin aden.

3) BA KEDA CHOCHO CHOCHO
Un obra ku a wòrdu estrená na aña 2004 na luna di Sèptèmber. E obra aki a bin ku e
mensahe ku n’e, KWIDA LOKE BO TIN DEN KAS I NO ESUN DI AFÓ. Den e obra aki por
a mira tambe e realidat di bida por ehèmpel amiga ku ta bula bentana pa bai tene
relashon ku kasa di nan mes amiga etc. "Ba keda chocho chocho" tambe tabata un dje
obra nan ku a wòrdu gusta na hopi dje persona nan ku a mir’é. Den obra aki po a mira
tambe bon aktuashon nan di kada aktor.

2) Muhernan Bulgar den Kampo Alegre part2
Sigun dia nan tabata marchando Suradno a bolbe kue pen den man pa un obra nobo
mirando kon kos nan a bai e smak a drent’é i no por a keda riba un so. Den e buskeda ki
topiko lo por bin dal duru den publiko (pasombra mirando kon e obra di Kampo a dal) sigur
ta un tópiko mas hot lo tin mester. Suradno a bin kai riba un vervolg di e obra Kampo i
dune e nomber:"Muhernan Bulgar den Kampo Alegre part 2"

Tabata na anja 2002 ku e obra aki a bai den estreno na luna di juli fecha presis 7-7-2002.
Un otro obra ku a dal hopi duru y laga un biaha mas bon komentario nan atras pero si mi
tin ku bisa si ta hopi jammer ku ta 2 stat so e obra aki a wòrdu presentá kual ta Tilburg i
Rotterdam.

Mi ta kere ku ja tur hende lo por saka fo kaba over di kiko e 2 obra nan aki ta bai, Kampo
alegre aja na Korsow tur hende sa pa ki motibu e tei. I asina Suradno a trese e dos obra
nan aki den un forma chistoso, komiko i djies un tiki bulgar (loke ku mi ta kere ta trek e
publiko antiyano mas na e harimentu).

1) Muhernan Bulgar den Kampo Alegre
Dia 1 òktober na 2000 e promé obra skibi pa Suradno Mercera a bai den estreno bou di e nomber: "Muhernan Bulgar den Kampo Alegre".
Un obra ku a hasi hopi furor i te ainda, kua banda bo bira, hende nan ta komenta di dje te
asta pidi pe. Ku e obra aki Dansgroep Kayena a presenta den stad nan manera Tilburg, Nijmegen, Rotterdam.